“Kadete A” taldearen denboraldiko lehen partidua, zuzeneko aurkari baten kontra burutu zen, 5-0ko partzialarekin hasita, defentsan lan txukuna egin zuten. Lehen laurdena bukatuta, markagailuan 12-6ko emaitza ikusi genuen. Taldeak neurketa osoan, defentsa maila mantendu bazuen ere, falten metaketek eta tiro libreetan egindako hutsegiteek, hartutako abantaila mantentzea gero eta zailagoa bihurtu zuen.

Gauzak honela, azken laurdeneko 4. minutuan saskiratutako hiruko batek, bisitariak markagailuan aurretik kokatu zituen estreinakoz. Partiduari buelta emateko ahalegin guztiak egin arren, neurketa 29-35eko emaitzarekin bukatu zen Araski Ointxe taldearen alde.

Beraiei beraz, egindako lan onagatik eta lortutako garaipenagatik zorionak.