Juniorreko euskal ligaren hasiera garaipenarekin gasteiztar derbian.

    Kulunkan hasi genuen partida eta Mariasek proposatutako zonakako defentsari aurre egiteko arazoak genituen. Gure lehiakidea horretaz baliatu zen markagailuan aurrean jartzeko, baina poliki-poliki bai erasoan, bai defentsan gure ideiak argitu genituen eta gure jokatzeko era finkatu genuen. Lehenengo laurdenaren azken minutuan markagailuan aurreratu ginen (10-8) eta honela izan zen partida bukatu arte.

    Partidaren hurrengo 30 minutuetan denetik egon zen; oso momentu eta ekintza onak, txar batzuekin, non koordinazio eza argia zen, tartekatzen ziren. Hala ere gure abantaila markagailuan gero eta handiagoa zen eta bukaeran 66-29, gure alde.