Ligako bigarren partidua genuen, oraingoa gure etxean. Pasadan jardunaldiaren pareko partidua ikusi zen. Akats berdinak presioaren irteeran, ideia falta nabariak erasoan eta ahul samar defentsako errebotean; hauek denak min handia egin ziguten lehendabiziko zatian.

Bigarren zatian, hobera egin genuen batez ere erasoan eta baloiaren zirkulazioan, baina ahul genbiltzan oraindik 1x1eko defentsan.

Espero dugu entrenamenduetan landutakoa pixkanaka partiduetan ikustea eta bai indibidualki baita talde gisara hobera joatea.