Hirugarren jardunaldia eta denboraldiko lehenengo porrota; defentsako erreboteak eta jaurtiketa libreetan hainbesteko ezberdintasunak, partida markatu zuten.

Partida gogorra larunbat arratsaldean jokatu zena, non kontaktu maila altua izan zen 40 minutuetan. Lehenengo laurdena berdinduta joan zen eta talde bakoitza bere estiloa inposatzen saiatzen zen.

Bigarren laurdenean etxekoek menperatu zuten eta maila honetako partiduetan eskarmentu faltak zigortu gintuen; 19-8 partziala jaso ondoren etxekoek oso zaila jarri ziguten partida.

Hirugarren laurdenean ARABA bere erasoko jokoa egiten hasi zen, baina defentsako erreboteak eta galdutako baloi batzuk bigarren laurdenean bezala uzten zuten markagailuan.

10 minutu faltatzen zirenean ARABAk defentsa-aldaketa on batzuk egin zituen eta partidaren minuturik onenak jokatu zituen; bukatzeko 2 minutu falta zirenean markagailuan 3 gora jarri ginen, baina berriro erreboteak eta jaurtiketa libreak gure kontra jo zuten eta azkenean etxekoek lortu zuten merezitutako garaipena.

Larunbatean arratsaldeko 18:00tan denboraldiaren derbietako bat jokatuko du taldeak eta derbi guztiak bezala seguru berdindua izango dela.

AUPA ARABA!