Urkideri bisita egin genion ligako hirugarren jardunaldian, indibidualki zein talde lanean aurrera egiteko asmoz.

Lehen laurdenean saskiratzeak elkarbanatu genituen bi taldeek, baina aste hauetan landutako ideiak askoz argiago genituela nabaritu zen. Presioa gainditzeko baloi irteera onak zein defentsako kontzeptuak argiago izateak atsedenaldira bost puntuko abantailarekin iristea suposatu zuen.

Bigarren zatian eraso azkarrak eta erasoko joko irakurketa ona nagusitu ziren, eta jokalari guztien kontzentrazioari lotuta partidua 10 punturen errentagatik eskuratzea lortu genuen.

Zorionak jokalari guztiei lehen garaipen honegatik eta espero dut honek indar gehiago ekartzea lanean jarraitzeko, orain arte egin duten bezala.