Ostiralean jokatu ostean, larunbatean beste partida bat izan genuen, lehenengo Faseko garrantzitsuena. Etxean Zaraoberen kontra jokatzen genuen, konzentratuta egon ezean gogor zigortuko gintuen aurkaria.

Beroketa ona egin eta gero, sentsazioak onak ziren. Hasieran jaurtiketan asmatu ez arren, gure haurrak partidan erabat murgilduta zeunden: baloia ondo mugitzen zuten, jokoari erritmoa ematen zioten… eta defentsa ez zen atzean geratu. Bai laguntzetan, bai bakarkako defentsan harritu gintuzten. Asteetan egindako lanaren emaitza ikusten hasi ginen.

Partida osoan intentsitate bera mantendu zen, bai defentsan, bai erasoan eta horri esker, beste garaipen bat lortu genuen. Aipatu beharra dago ere, mantendutako intentsitatea jokalari guztiei esker lortu zela, denak ateratzen baitziren gogo handiekin kantxara, berdin zuen nor ateratzen zen, jokoen maila mantentzeko.

Duda barik, larunbat honetan orain arte gure haurrak denboraldiko partida onena jokatu zuten eta azkena ez dadila izan espero dugu.