Lehenengo 20 minutuetan eginiko lan onean oinarritutako hirugarren garaipena jarraian.

Easo Kopa-n talde honen aurka jokatu genuen eta asko kostatu zitzaigun paretida hori irabaztea. Hau buruan eukita, kontzentratuta eta intentzitatearekin irten behar genuela genekien. Eta hori egin genuen. Bai erasoan bai defentsan kontzentratuta irten ginen partiduko lehenengo minututik, eta pixkanaka urruntzen joan ginen markagailuan. Lehenengo laurdena 20 eta 7ko markagailuarekin bukatu zen.

Bigarren laurdenean, trantsizioko gure jokoa, apur bat gehiago hobetu genuen, eta bestaldetik, defentsan gure intentsitatea igo genuen ere. 41 eta 12ko markagailuarekin iritsi ginen atsedenaldira.

Atsedenaldiaren bueltan, gure ideia kontzentrazio, intentsitate eta abiadura bide beretik jarraitzea izan zen, baina bakarrik erasoan, eta ez erabat, lortu genuen. Defentsan gure intentsitatea eta kontzentrazioa asko jeitsi ziren. Partidako emaitza 78 eta 39 izan zen.