Asteburu honetan Araberri bisitatu genuen sasoiko bigarren partidan.

Beroketaren sentsazioak joan den astekoaren antzekoak izan arren, jokalariek bazekiten jarrera hori ezin genuela errepikatu, eta beharrezko maila izatea lortu zuten.

Partida akats ugarirekin hasi zen gure partetik eta hainbat asmatze lehiakideen aldetik. Hala eta guztiz ere, pixkanaka partidan sartu ginen eta astean zehar landutakoa gauzatzen hasi ginen: baloia ondo mugitu genuen, errebotea ixten genuen eta hobera zihoazen paseak. Lehenengo zatia 6 puntuko aldearekin amaitu zen, aurkako taldearen alde.

Bigarren zatia 8ko aurkako partzial batekin hasi zen, eta beharrezkoa izan zen hutsarte bat eskatzea egoera argitzeko. Hutsartearen ondoren, oldarkor itzuli ginen eta horrela aritu ginen partidua amaitu arte. Horrez gain, azken 4 minutuetan estutzeko gai izan ginen eta hori izan zen partiduaren unerik onena. Bai harmailan bai aulkietan jokalarien ahaleginaz gozatu ahal izan genuen, egiteko gai direna erakutsi baitzuten.

7 puntuengatik galdu arren, partidua oldarkortasunean eta ahaleginean irabazi genuen. Defentsa positiboa izan zen eta erasoan jaurtiketa libreak lortu genituen, nahiz eta saski azpian hutsegin. Une batean erremontean sinetsi genuen.

Lan egiten jarraitu behar dugu, eta azken laurdeneko lerro berean mantendu behar gara. Asteburu honetan ikusitako taldeak ez du zerikusirik joan den astekoarekin.

Aupa Araba!