Arabak luzapenean Ardoiren aurka galdu zuen partidu polit batean.

Partidu ona ikusi zen larunbat arratsaldean Divino Maestron non etxekoak joko ona erakutsi zuten erasoan eta defentsa sendoa; kanpokoak, aldiz, fin ibili ziren kanpoko jaurtiketetan beste behin 10 hiruko sartuz (pasaden astean 13 hiruko sartu zituzten).

Lehen bi laurdenak oso partekoak izan ziren: 14-14 eta 16-16. Horrela atsedenaldira iritsi ginen. Atsedenaldi ostean nafarrak argiago irten ziren eta 10 puntutako abantaila lortu zuten. Azken laurdenean, etxekoak berreskuratu zuten aldea, luzapenera iritsiz.

Bertan Ardoi berriz ere oso fin ibili zen hiruko marratik eta horrek partidua erabaki zuen kanpotarren alde.

Partidu ona jokatu zuen Arabak, baino gauzatxo batzuk zaindu behar izango dituzte hobeto talde handien aurka garaipena atera nahi izanez gero.

Asteburu honetan Askartza bisitatuko dugu, lehen mailako jokalariak berreskuratu eta fitxatu dute aurten, eta ziur sailkapenaren lehen postuetan egongo dela.

AUPA ARABA!