Araba CB Sanignacio gailendu zuen, bajekin eta kategoriara oraindik moldatzen bisitatzen zigun Logroñoko taldeak.

Etxekoak saiatu ziren etxeko azken bi partiduetan erakutsitako jokoa hobetzen eta jarraikortasuna erakusten, eta bereziki azken jardunaldian Mungian lortutako garaipen garrantzitsua ona egiten.

Partidua erasoko minutu onekin hasi zen eta hori markagailuan islatu zen: 23-10. Halere, bigarren laurdenean errioxarrak erreakzioa bilatu zuten eta zurigorriak ez ziren erasoan hain fin aritu eta laurdena eskasagoa izan zen (10-8).

Aldageletatik bueltan nahiz eta ziur ez genekien zein ildotik partidua jarraituko zuen, Arabak aurreko akatsak konpondu eta talde-jokoa sustatu zuen berriro; markagailuan hori argi eta gardi geratuz: +44.

Nabarmentzeko Asador 10 Gibajaseko beste junior jokalari baten debuta, oraingoan Alazne Orodearena. Taldea asko lagundu zuen bere lanarekin.

Aste honetan taldeak Mutilvara joko du, eta ez da arerio erraza izango: liderra eta etxean partidu guztiak irabazi dituen taldea baita. Partidua Aranguren polikiroldegian jokatuko da igandean arratsaldeko 18:00tan.

AUPA ARABA!