Garaipena non Doctor Jekyll eta Mister Hyde ikusi genituen

        Partida honetan, taldearen bi aurpegi oso ezberdin ikusi genituen: lehenengo 20 minutuak eta azkenengo 20-k.

     Lehen partean, oso pasibo eta kontzentrazio gutxirekin irten ginen. Honek erasoan, oso ideia gutxirekin eta fluidotasunik gabe jokatzea ekarri zuen. Kantxaren bestaldean, defentsan, kontzentrazio falta honek Easo-k erasoan korrika egin ahal zezala eragin zuen, eta eraso estatikoan, baloiaren atzetik beti izatea ekarri zuen. Atsedenaldian, 38-31-ko markagailua: gauzak gaizki egiten ari ginelaren islada.

       Aldageletatik pasa eta ideiak argitu eta gero, bigarren partean, gure kontzentrazioa eta intentsitatea asko igo ziren. Honen ondorioz, erasoan, fluidotasun eta abiadura handiagoarekin jokatu genuen, baloia azkartasun handiagoarekin mugituz eta jaurtiketa argiak lortuz. Bestalde, defentsan, 1x1-k eta laguntzak oso ondo defenditu genituen, Easo-ren baloi zirkulazioa hein handi batean zaildu zuena. Bigarren partearen partziala, 13-40, jokoan gertatu zenaren erreflexua izan zen.