Asteburu honetako partidua etxean jokatu zen, Marianistas Ahaleginaren aurka. Aurkariak ligako lehenengo postuan daude eta partidu guztiak eroso irabazi dituztela azpimarratu beharra dago. Hortaz Arabako jokalariak bazekiten kalitatezko defentsa eta erasoak egin behar zituztela, baina partidua okertu zen etxekoentzat.

Defentsan Arabakoak ahaleginak egin zituzten, nahiz eta erasoan puntu gehiegi ez lortu. Defentsa gogor horri esker 10 puntuko diferentzia mantentzea lortu zuten. Modu honetan laugarren laurdena hastear zegoela, 12-22ko markagailua zegoen.

Partidua guztiz aldatu zen azkeneko 10 minutu hauen hasieran. Marianistaseko jokalari batek hiru hiruko jarraian sartu zituen eta horrek Arabako jokalariak partidutik atera zituen guztiz.

Azpimarratzekoa da Marianistaseko jokalariak 38 puntu lortu zituztela, gainontzeko partiduetan 70 puntu lortzera ohitu baitirelako, beraz, defentsa aldetik, lan handia egin zuten gure jokalariak. Aste garrantzitsua dator, entrenamenduz betetako astea. Burua hurrengo partiduan kokatzea ezinbestekoa dugu, Viajes Bidasoa Araskiren aurka Araba Bk daukan erritmo eta joko dinamikara bueltatzea beharrezkoa dugulako.