Maila altuko garaipena lehen taldeak igandean Zizurren lortutakoa. Ardoi ordura arte galdu gabe jarraitzen zuen bere etxean, eta pasaden astean derbian galtzetik zetorren, gauza horiek benetan zail ipintzen zuten partidua.

Partiduan txarto hasi ziren kanpotarrak, huts egiteak erasoan eta 1x1eko defentsa txarrarekin (7 eta 0eko partziala). Minutu horiek pasata Araba pixkanaka partiduan sartzen joan zen, nahiz eta markagailuko aldea ezin txikitu (-10 atsedenaldian: 31-21); batik bat 1x1eko defentsa txarra izaten jarraitzen zuelako.

Aldageletatik bueltan Arabak partidua erabat aldatzea lortu zuen zonakako defentsa bati esker (defentsako arazoak desagertu ziren) non errebotea partiduan lehen aldiz kontrolatzea lortu zuen. Gainera, erasoko jokoa bizitu eta alaitu zen era berean. Kanpokoak erasoan kolapsatu ziren hiruko jaurtiketetan asmatu ezinean, eta pixkanaka zurigorriek buelta eman zioten markagailuari, baita aldea lortu ere.

Ihauterietako asteburu honetan Divino Maestrora itzuliko gara (igandean arratsaldeko 18:00tan), bertan Askartza izango dugu aurkari. Bizkaitarrekin berdinduta gaude sailkapenean, beraz partidua garrantzia handikoa izango da.

AUPA ARABA!