Denboraldia ez zen gustuko moduan hasi eta Getxok Gasteizetik partidua etxera eraman zuen merezimendu osoz.

Zurigorriak kaskar ibili ziren jokoaren alor gehienetan. Erasoan, erabaki txarrak izan ziren nagusi lehen laurdenean, baloi galtze eta saskiari begira gauzatutako huts egiteek 3 eta 8ko markagailua utzi zuten bizkaitarren alde.

Hurrengo laurdenean hobera jo zuen taldeak (txarrera zaila zen eta), baina defentsako biguntasun puntuala eta baloia berreskuratzeko gogo apalek ez zuten gehiegi lagundu. 13 eta 11ko partziala alde, eta atsedenaldira bidean onena markagailua zelaren sentsazioa nagusi.

Hirugarren laurdenean partiduko alderik positiboena iritsi zen: hiruko marratik asmatzea. Dena den, gure defentsako errebote ahulak saskiratze errazak suposatu zioten Getxori. Bizkaitarrek ez zuten lortu partidua apurtzea, baina jaun eta jabe ziren berean.

Azken laurdenean, partidua erabakitzeke zelarik, Arabak ez zuen burua altxatu eta aurreko 30 minutuei justizia eginez, Getxok partidua eraman zuen.

MVP:

IBONE URRUTIA (10 puntu, 9 errebote)

NABARMENTZEKO:

MYRIAM 10 puntu eta bere jarrera

ALBA 3/5T3

HOBETZEKO:

24% T2

42% TL

3 ASISTENTZIA

DEFENTSA

Hurrengo igandean, hilak 20, Donostiara joango gara Bera-Bera berrituaren aurka lehiatzeko. Lehen jardunaldian porrota pairatu zuten ere, eta bi taldeek garaipenaren bila joko dute.

AUPA ARABA