Hirugarren jardunaldia izan arren, asteburu honetako partidua garrantzitsu bezala planteatzen genuen. Ligako bi talde gazteenen arteko norgehiagoka, biak porrotik gabe. Astean zehar ondo entrenatu ostean, sentsazio onekin iristen ginen larunbatera.

Partidua ondo hasi zen gure neskentzat. Erasoan agresiboak izanda, falta eta jaurtiketa libre asko pilatzea lortu genuen. 12-6 lehenengo laurdenaren bukaeran. Bigarren 10 minutuak okerrenak izan ziren. Erasoan ez ginen gaizki aritu, baina ez genituen puntuak erraz lortzen. Defentsa ona izan arren, intentsitate faltak haiei puntuak modu erasoan pilatzea ahalbidetzen zien. +5 atsedenaldian (19-14).

Egindako lana ona zela jakinda, abiadura eta erritmo puntu hori faltan botatzen genuen. Hirugarren laurdenera ateratzerakoan hau praktika jarri eta 17-8ko partziala eskuratzea lortu genuen kontraeraso eta trantsizio azkarrei esker. Norgehiagoka bideratuta edukita, azkeneko 10 minutuak entrenamenduetan landutakoa praktikan jartzeko erabili genuen. 13-6ko partziala eta 49-28 markagailua partiduaren amaieran.

Sentsazio onak. Partidua apurtzea kostatu zitzaigun baina orokorrean egindako lana ona da. Hobetzeko puntu bezala, aipatu beharko genituzke 1x0 egoeretan eta kanasta azpitik huts egindako jaurtiketak. Larunbat onetan ez genituen faltan bota, baina etorkizunean beharko ditugu.