Larunbata, goizeko 9ak Aranaldeko kantxa hotzean. Hala ere, ez hotzak ez goiz jaikitzeak ez zituen gure jokalariak eragotzi defentsan eta erasoan intentsitatearekin ateratzeko. Gauzak horrela, lehenengo laurdena abantaila zabalarekin amaitu genuen.

Bigarren laurdenean, gure jokalariak defentsan pixka bat lasaitu egin ziren bigarren aukerak emanez aurkako taldeari. Gainontzekoari dagokionez, dena berdin jarraitzen zuen.

Hirugarren eta laugarren laurdenak txarrenak izan ziren dudarik gabe. Erasoan akatsak izan genituen, baina, batez ere defentsan, kontzentrazio ezagatik.

Partiduaren hasierak gu erlaxatzea eta kontzentrazioa galtzea eragin zuen. Hala ere, hurrengo partiduei begira, esfortzuaren eta lanaren bitartez akats guzti hauek gutxitzea lortuko dugu.

1, 2, 3 ARABA!