Partidu zaila sailkapeneko liderraren kontra. Hala ere, gure neskak intentsitate handiarekin sartu ziren partidura eta aurkariaren akatsak eragiten genituen, beti gure defentsari esker. Erasoan ausartak ginen eta gogor egiten genituen barneratzeak. Baina jaurtiketa errazak hutsegin genituenez eta aurkariaren kalitatea dela eta, lehenengo laurdenetik atzean ginen markagailuan.

Bigarren laurdenean San Viator defentsa gogortu eta presioa aurreratu zuen. Ez zituzten saskiratze errazak ahalbidetzen eta kontraerasoak sortzen zituzten baloia galtzen genuen bakoitzean. Minutu zail hauetan ekipo bezala jokatzeari utzi genuenez eta aurkariak kanpoko jaurtiketak asmatzen zituenez, markagailuan gero eta diferentzia handiagoa ikusi zitekeen.

Baloiaren irteera hobetzea lortu genuen atsedenaldiren ostean, baina erasoan gure jokalariek ez ziren mugitzen lehenengo laurdenean mugitzen ziren freskurarekin. Presioan ere gure intentsitatea jaitsi zen eta aurkariak bere jokua aurrera eramatea lortu zuten partiduaren bukaerara arte. Azkenean 76-24ko emaitza.

San Viator C zoriondu eta guk entrenatzen jarraitzera, bigarren partiduan emaitza hobea lortzeko. Eskerrik asko San Viatorrera partidua ikustera gerturatu zen jendeari, hotzari aurrera eginez. Hurrengo partiduan itxaroten zaituztegu, azaroak 16, goizeko 11:00etan AXA-Amurrioren kontra.

Atzo, gaur ta beti, ¡ARABA!