Goizean goiz eta hotz izugarri batekin, Urgatzi A. bezalako aurkari on bati aurre egitea tokatzen zitzaigun.

Aurreko arratsaldean ez bezala, oso hasiera ona izan genuen, defentsan lan handia eginez aurkariak estutu genituen eta baloiak lapurtu genituen erasoko aukera gehiago lortuz. 7 puntuko aldearekin iritsi ginen laurdenaren amaierara.

Bigarren laurdenean, ordea, pistoi bat jaitsi genuen gure presioan, eta haiek abantaila atera eta sarrera erraz asko lortu zituzten. Honekin, atsedenaldira markagailuaren azpian iritsi ginen.

Bigarren zatiaren hasieran trabatu egin ginen bere defentsarik estuenarekin. Horri aurre egin ahal izan genion pase onekin irteten eta gure eraso bertikal baten dinamikarekin jarraituz, markagailuan aldea mantendu genuen 37-50 amaituz.

Porrota izan arren, sentsazioak ostiralean baino hobeak izan ziren. Oraingo honetan, aurreko egunean baino keinu tekniko gehiago erabili genituen, baina, hala ere, entrenatutakoa praktikan jartzeko ausartagoak izan behar gara, eta ze okasiorik hobena eta errealena partiduan baino.

Beti bezala, gogor jarraitu behar.

Aupa neskak!