Nahiz eta partidua etxean izan, Olabide Ikastolan jokatu genuen, Divinon egiten ari diren obrak direla eta. Partidu garrantzitsua zen guretzat eta garaipena lortu behar genuen, konfiantza berreskuratu ahal izateko azkeneko partiduetan lortutako emaitza txarrengatik.

Lehenengo laurdenetik defentsa gogorra eta erritmo altua ezarri genuen. Honi esker, baloiak lapurtzea eta kontraerasoak egitea lortu genuen, eta bestela trantsizioan jokatzen genuen erasoan. Horrela, hasieratik markagailuan aurrean egotea lortu genuen eta pixkanaka diferentzia handitzea partiduan zehar. Baina albisterik onena, presioa baloia pasatuta ateratzea izan zen, azkeneko partiduetan ez genuelako lortu. Gainera, erasoan baloia ondo mugituta, jaurtiketa errazak lortzen genituen.

Atsedenaldia eta gero ezin izan genuen erritmoa mantendu, baina saskiratzeak lortzen genituen eta markagailuan aldea handitzea. Baina azkenengo laurdenean Urgatzi defentsa gogortu zuen eta azkeneko partiduetan bezala, baloiak galtzen hasi ginen. Hurrengo partiduetan irabazi nahi badugu, derrigorrez hobetu beharreko ataza. Partidua 71-29 markagailu batekin bukatu zen.

Urgatziri eskerrak eman bere kantxa prestatzeagatik. Eskertu ere Olabidera animatzera gerturatu zen jendeari. Hurrengo partiduan itxaroten zaituztegu, Urkide ikastetxean. Eguna eta ordua oraindik ez daude finkaturik.

Atzo, gaur ta beti, ¡ARABA!