Seniorreko neskek dinamika onean jarraitzen dute eta hauxe bera erakutsi zuten igandeko partiduan aurkari zail baten kontra.

Norgehiagoka guk markatutako erritmoarekin hasi zen. Erasoan baloia ondo eta azkar mugitzeari esker jaurtiketa erosoak lortzeko gai ginen. Defentsa ere ona zen, goitik gogor arituz eta baloiak presioan berreskuratuz.

Bigarren laurdenaren bukaeran zonakako defentsa topatu genuen, eta ondo erasotzea lortu arren, ez genituen puntuak erraz eskuratzen. Lehenengo bi laurdenen partzialak 19-06 eta 18-06 izan ziren.

Hirugarren laurdena okerrena izan zen. Ondo hasi ginen baina erdialdera aldera, nekearen ondorioz, erritmoa jaitsi eta ahazteko moduko hainbat eraso eta defentsa burutu zituzten. Dena den laurden hau 17-09 irabaztea lortu genuen. Azkeneko laurdenak istorio handirik ez zuen izan eta entrenamenduetan landutakoa praktikan jartzeko balio izan zigun.

Hasieran esan bezala, taldea dinamika onean dirau eta gero eta talde egonkorragoa garela dirudi. Espero dugu daramagun bolada on hau zubian ez etetea, hemendik gabonak arte ditugun bi partiduak zail bezain garrantzitsuak baitira.