Merituzko garaipena lortu zuten gure neskek pasa den larunbatean Coras-en. Hasiera zail baten ostea, azkeneko laurdenean partidua aurrera ateratzea lortu genuen.

Ez dakigu ordua izango zen, leihoetatik sartzen ziren eguzki izpiak edo gure jokalari batzuentzako urte askoz haien etxea izan zenera itzulera, baina partiduaren hasiera kaxkarra izan zen benetan. Ideiak ez ziren txarrak baina beti segundo bat berandu iristen ginen leku guztietara. Gauzak horrela izan arren, 8-12 markagailuarekin bukatu ziren lehenengo 10 minutuak.

Bigaren laurdena ildo beretik joan zen, baina atsedenaldira iristeko 2 minutu falta zirenean, gure neskek 0-9 partziala lortu zuten. Honi esker 13 puntuko abantailarekin joan ginen atseden luzera (10-23).

Hirugarren laurdena txarra eta itsusia izan zen bi taldeentzat, baina azkeneko 10 minutuetan hasi ziren gauzak ateratzen eta 3-19ko partziala erdietsita norgehiagoka era ezin hoebean bukatzea lortu genuen.

Horrela iristen dira gure seniorreko neskak Gabonetako oporretara (hurrengo asteko partidua atzeratuko dugu), porrota zer den ezagutu gabe eta bolada oso onean. Espero dugu turroiek eta hainbeste festak daramagun ildo ona ez etetea.