Corazonistas C, larunbat honetan aurkari izango genuen. Epaileak hasiera eman zion partidari, hala ere, gureak ez ziruditen horren jakitun, deskonexioa presente baitzegoen. Defentsako intentsitatea falta zitzaigun, galdutako baloi kopuruarekin batera, kontrarioek saskiratze errazak lortzen zituzten, oposiziorik gabe. Azken minutuetan, ordea, presioa hobetu eta erasokorrak egon ginen atakean.

Bigarren laurdenean, egoera pixka bat irauli genuen. Gogo gehiagorekin zelairatu ginen, saskiratze gogorragoak, lapurretak eginez eta baloi guztiak borrokatuz. Hala ere, denboraldi hasieran entrenatzen hasi ginen lehen zati honetan  defentsako akatsak egin genituen, eta horrela aurkariak  abantailan hasten zuten erasoa askotan. Egoera horrekin atsedenaldira markagailuan azpitik iritsi ginen.

Bankilutik igaro ondoren, aldaketa bat sumatu zen.  Corazonistas-en jokalariak ez ziren hain erraz saskira iristen, eta erasoan amaiera onak ikusi genituen, baita saskiratzeak ere, baloirik gabeko mugimendu on bati esker.
Hala ere, ez zen nahikoa izan, pase txarrek kondenatzen gintuzten, eta aurkariei saskiratze azkarrak eta oposiziorik gabekoak ematen zizkieten.

Azken laurdenean azken dinamika horri eutsi eta markagailua iraultzen saiatu ginen arren, galdutakoak ez ziren desagertu eta Corszonistas C eraman zuen garaipena.

Lanean gogor jarraitzea tokatzen da, hobetzeko eta huts horiek ez egitea lortzeko.

Aupa neskak!