Urtarrileko azken partida. Gure Infantilak Zaraobe St zuten aurkari, talde zabala eta nagusitasun numerikoa zuten, haien freskotasuna partidaren amaieran ikusiz.

Partida erritmo bizian hasi zen, gure jokalariek baloiak lapurtzea lortzen zuten, nahiz eta gero baloi asko galdu pase txarrekin. Erasoan nahiz eta baloirik gabe mugimendu onak egin ez genituen saskiraketak lortzen, huts asko eginez uztai azpian. Hala ere, hori berehala aldatu zen eta erasoan egindako lan ona saskiraketan bukatzen zen. Bigarren laurdena intentsitate handiarekin hasi zen, aurrekoaren dinamikari jarraituta. Korrika egiten saiatu ginen, eta saskiratzeak lortu genituen bertikaltasunaren bila joanez. Hau abantaila ona eman zigun markagailuan.

Bigarren zatian jokoari abiadura ematen jarraitu nahi izan genuen eta landu ditugun esku aldaketa batzuk ikusi ahal izan genituen. Hala ere, minutuek aurrera egin ahala, bide hori lausotzen joan zen, lasaitu egin ginen eta aurkariak errazago iristen ziren saskiratzera partida 45-16 batekin amaituz.

Lanean jarraituko dugu konstanteagoak izateko eta partidan zehar landutako gauza batzuk are gehiago islatzeko.

Aupa neskak!