Sentsazio onekin amaitu genuen partida, irregulartasun minutuak aurreko aldietan baino txikiagoak izan zirelako.

Honen aurreko partiduetan, oso zentratuta eta joko ona erakutsiz hasi ginen. Minutuak aurrera egin ahala, gure kontzentrazioa eta intentsitatea gutxitzen joaten zen.

Joan den larunbatean, ordea, kontrakoa gertatu zen. Partidaren lehen laurdenean kontzentrazio gutxirekin atera ginen zelaira, 1x1ko onak lortu gabe edo erasoan espazioak behar bezala errespetatu gabe. Bien bitartean, defentsan, nahiz eta orokorrean ondo defendatu, erasoko errebote gehiegi eman genituen.

Bigarren laurdenetik aurrera, dinamiko hau aldatu zen, eta nahi dugun taldea izatera pasatu ginen. Azken 5 laurden horietan zehar, talde sentsazioak oso positiboak izan ziren.