Oraingo honetan Araskiri aurre egitea tokatzen zitzaigun. Goitik estutzeko, kontraerasoak lortzeko defentsa estua eta jokoari abiadura handia emateko helburua genuen. Dena den, ideia guzti hoiek desagertu egin ziren zelaira sartu bezain pronto. Kosta egiten zitzaigun Araskiren defentsa estuari aurre egitea, haiek lapurreta eta saskiratze errazarekin amaitzen zutena. Guk, aldiz, ez ginen euren intentsitate berean jartzen, baloia arazorik gabe pasatzen ziren eta oposiziorik gabeko erasoak lortzen zituzten, 10-2ko emaitzarekin amaituz.

Bigarren laurdenean buelta eman genion egoerari. Orain bai, presio handiagoa egiten genuen 1x1-ean, lapurretak eginez eta kontraerasoko sakiratzeak lortzen. Horietako askok huts egin arren, 5-10 bat egin genuen.

Atsedena eta gero bi taldeek dinamika bera jarraitu zuten, azken laurdenera 25-23 iritsiz. Azken partzial honetan, ordea, hasierako bidera itzuli ginen. Haiek gogor estutzen jarraitzen zuten, gureek pasatzeko inolako zailtasunik jartzen ez zuten bitartean. Gainera gure pase txarrak protagonistak izan ziren azken txanpan. Bi gauza hoiek azken minutuak markatu zituzten, partida irauli ezinez eta Araskiren irabaziarekin bukatuz (38-31).

Defentsa hobeagoa behar dugu, ezin diogu aurkariari eroso egoten utzi, hor egon behar da beti lehen pase lerroak estutzen. Lanean jarraituko dugu!

Aupa neskak!