Goizean goiz eta Ekialde-ren kantxa hotza tokatzen zitzaigun. Landutakoa praktikan jartzeko gogoz atera ginen zelaira, bai azken hilabeteetakoa, bai azken aste honetan gehitutako azken gestuak ere. Lehen zatian defentsan ondo aritu ginen, goitik gogor estutuz, nahiz eta momentu batzutan deskonektatzen ginen paseko lehen lerroak ahaztuz. Erasoan kontraerasoko saskiratze azkarrak lortzen genituen, baina estatikoan espazioak errespetatzea kostatzen zitzaigun, zelai handia egin gabe eta uztaira agresiboak izan gabe.

Bigarren zatian estutzeko dinamikarekin jarraitu genuen, eta erasoan aukera onak egon ziren bostak irekita iritsiz erasoa erraztuz. Batez ere, oraintsu ikasitakoa askoz gehiago saiatzen garela azpimarratzea. Nahiz eta exekuzioa onena ez izan, hobetzeko lehen pausoa hau da, saiatzea.

Hori izan behar da jarraitu beharreko bidea, partidetan islatzea entrenamenduetan ikasten ditugun alderdi guztiak. Lanean jarraituko dugu!

Aupa neskak!