Garaipen oso landua goian egoteko hautagai den talde baten aurka.

Gure bidea larunbatean hasten genuen arerio oso arriskutsu baten kontra. Lan polit bat egiteko gogoekin atera ginen, entrenamentutan egindakoari jarraipena ematera. Hala ere, ideiak 5 minututan agortu zitzaizkigun.

Araski 1ego zatian nagusi izan zen, atsedenaldira 5 puntuko aldearekin iritsi zelarik. Aldegelatatik pasa ostean, taldearen aurpegia aldatzeko ahalegina egin genuen.

Baina aldapa latzagoa jarri zen lehenengo 5 minutuak pasata. 10 puntuko aldea kontran, eta partidua galtzeko mamuak gure aurrean jarri ziren. Momentu horretan taldearen izaera agertu zen, defentsan intentsitatea igoz eta partidan berriz buru belarri sartuz.

Eta amaierako txanpa horretan, Nerea Aguilloren hiruko batek garaipena eman zigun. Araski zoriontzea gustatuko litzaidake, jokuaren aspektu gehinetan nagusitu baitzen.

Gure aldetik eguneroko lanarekin disfrutatzen jarraitu behar dugu eta gure maila igotzen gutxika gutxika. Guztiz seguru nago lortuko dugula.