Bigarren jardunaldian Azkoitiara joan ginen, denboraldi honetako faborito handienetariko baten kontra jolasteko, Iraurgi.

Partidak bi atal oso ezberdin izan zituen; lehenengo 20 minutuak eta bigarrenak. Lehenengo erdian erritmorik gabe atera ginen. Erasoan ez genuen arin jolasten, baloia oso motel mugituz, eta defentsan beti baloiaren atzetik genbiltzan, Iraurgiren erasoen menpe geundelarik.

Bigarren atalean egoera guztiz aldatu zen. Bai erasoan, bai defentsan hobeto ibili ginen, saskiratze gehiago lortuz. Aldi berean, defentsan 1 x 1-eko egoerak menderatu genituen, talde defentsa hobea lortuz, Iraurgiren erasoa motelduz eta aurkariei akatsak egitea eginaraziz.

Partida honetatik bi helburu atera behar ditugu; alde batetik, hasierako 20 minutuek ikustarazi behar gaituzte prestu eta adi atera behar dugula jolastera, lehiakidearen menpe ez egoteko eta gure jolasteko era aurrera eraman ahal izateko.

Bestetik, bigarren erdiak baliagarria izan behar zaigu hobetzeko jarraitu behar dugun bidea zein den jakiteko, oso minutu onak jolastu bait genituen, non egin nahi dugun jolasteko era erakutsi genuen.