Beti arriskutsua izaten den Olabide jasotzen genuen etxean, aurreko jardunaldian Marianistas irabazita azaltzen ziren.

    Partidua intentsitate handiz eta aktibo hasi genuen, bai defentsan zein erasoan; horrela, denboraldiko minuturik onenak bizi genituen. Honi esker, +15 iritsi ginen lehen laurdenaren amaierara (17-2).

    
     Minutuak aurrera joan ahala, gure intentsitatea gutxiagotuz joan zen, baita lehen laurdenean berezi egin gintuen tentsioa ere. Hala ere, partiduaren kontrola izaten jarraitu genuen eta atsedenaldira +16 iritsi ginen (bigarren laurdeneko 10-9ko partzialari esker).

     Hirugarren laurdena gure aldeko beste partzial batekin hasi genuen (7-2), 25.minutuan partidu erosoa izan zitekeela zirudien, baina ez zen hola izan. Momentu horretatik aurrera, taldeak bere kontzentrazioa gutxitu zuen (defentsako errebote kontrol eza eta balantze kaskarrak ekarriz); eta Olabide horretaz baliatu zen aldeak murrizteko.

     Azken laurdena denboraldiko kaskarrena izan zen, gure erlaxazioak Olabide markagailuan hurbiltzera bultzatu zuen. Lehen laurdenetan eskuratutako abantailari esker ez genuen partidua arriskuan ikusi, baina Olabidek nagusitasunez azken laurdena eraman zuen (6-13).

     Batean kale, bestean bale. Ea honek laguntzen gaituen konturatzen partidu batek 40 minutu irauten dituela, eta denbora osoz egon behar garela kontzentratuta nahiz eta abantailak gure alde jo.

      Hurrengo asteburuan Marianistas izango dugu aurkari bere zelaian.