Lehen itzuliko azken jardunaldiak Marianistas Ikastetxera eraman gintuen Marianistas Taldelana taldearen aurka jolastera, oraindik garaipena ikusi gabe zebilen taldea.

      Hasiera leun baten ostean (4-5 markagailuan), defentsa lerroa igo genuen, horrek etsaiaren akatsak ekarri zituen eta guk saskiratze errazekin aprobetxatu genuen. Lehendabiziko errotazioekin, lehen laurdeneko dinamika ona ez zen aldatu eta atsedenaldira 20 puntuak pasatzen zituen alde sakon batekin iritsi ginen.

       Lehen zatian guk  lortutako aldea ikusita, Marianistas zonakako 3-2 defentsan sartu zen; horrek gure jokoa eten zuen, erritmoa eta ideiak galduz. Minutuak aurrera joan ahala, aipatutako defentsaren irakurketa hobea egin genuen, erosoago sentituz. Honek zonakako defentsa topatuko dugun hurrengo aldietarako lagundu gintuen seguru.

     Hurrengo astean atseden hartzea egokitzen zaigu. Hilak 22an, bigarren itzuliko aurreneko partidua izango dugu Araskiren aurka.