Araski-ren kontrako bigarren itzulia inauguratzen genuen bi taldeen artean  jokaleku eta ordu aldaketarako heldutako akordioaren ondoren. Partida biziak irteteko ideiarekin planteatzen dugu presioa eginez Araski-ren irteerako akatsak eragiteko. Lehen laurdenean joko arinarekin bete genuen gure asmoa, erasoan eta defentsan ideia argiarekin lehen laurden guztiko markagailu aurretik joateko aukera izan genuen.

Minutuak pasa ahala, eta lehen laurdenean erakutsitako intentsitate eta indarrak disolbatzen joan ziren, Araskik markagailuan hurbiltzeko aukera izan zuen eta atsedenaren aurretik soilik isolatutako akzioetan puntuak lortu genituen.

Atsedenaren ondoren denboraldiko une txarrenak iritsi ziren. Gogorik eza, jarrera, inplikazioa eta hau bezalako talde baterako desegokia den utzikeria Araskik 7 puntuko tartea lortzera eraman zuen hirugarren laurdenaren amaierarako. Desberdintasuna handiegia ez izan arren, taldeak transmititzen zituen sentsazioak erabat txarrak ziren.

Azken laurdenak aurretik ikusitakoa baino ez zuen baieztatu, taldearen joko eta jarrera negatiboaren ondorioz, markagailuan 10 puntuko tartea eman zen.

Goitik behera egindako partida ikasgai gisa balio dezala nahiko genuke, saskibaloiaren alderdi taktikoak zuzendu daitezke eta edo entrenatu, baina gogoa, inplikazioa, eta harrotasuna da bakoitzeko gai indibiduala eta ezin da amore eman ezta burua jaitsi ere.