Loiolaren kontra egindako akats berdinak ez errepikatzearren lan egin genuen astean zehar, bereziki kantxara galduta ez ateratzea. Baina partidan gertatu zena ikusi ondoren, ez zuen ezertarako balio izan. Tentsiorik gabe eta erabat galduta atera ginen, eta aurrean Easo bezalako taldea badaukazu, ez da batere ideia ona. Lehenengo laurdenaren bukaeran: 4-16.

Bigarren laurdena antzekoa izan zen eta atsedenaldira heltzean 21 puntuen abantaila zeukaten.

Bigarren erdian, azkenean, taldea esnatu eta egin nahi dugun jokatzeko era egiten hasi ginen, bai erasoan, baita defentsan ere.  Eta, 36. minutuan 8 puntura jarri arren, partida berdintzea ez zen posible izan.

Jardunaldi honen emaitzen ostean, matematikoki sailkatuta  gaude A1rako. Horrek  harro sentiaraz i behar gaitu,   bigarren fasea lehenengoa baino gogorra izango dela ahaztu gabe. Gure akatsez ikasi behar dugu aurrera joaten jarraitzeko eta gure etsaien maila berean egon ahal izateko