Hazten jarraitzeko eta talde bezala aurreratzeko etxekoen partida on bat

     Lehenengo fasearen azken partida, non talde biek dena erabakita geneukan, sailkapena zela eta. A1 prestatzen hasteko eta talde bezala aurreratzen eta hobetzen jarraitzeko, aukera ona, baita gabonetan landutako gauzak, praktikan jartzeko ere.

    Ia denbora osoan, partida oso berdinduta egon zen eta ia beti, bisitariaren alde: Gernikaren alde. Hala ere partida bukatzeko 5 minutu geratzen zirenean, markagailuan aurretik jartzea lortu genuen (40-39) eta hortik bukaerara hala izan zen. Bukaeran: 53-46.

    Orokorrean, sentsazio onak, bai talde mailan, bai gizabanakoaren mailan. Sentsazio on horiek A1-ean gora joateko eta ondo aritzeko hasiera besterik ez izatea espero dugu.