Ligako partidu berri bati egiten genion aurre Olabide Ikastolaren aurka. Araskiren aurka gauzak txarto egitetik gentozen, astean zehar ondo entrenatu bai baina ausentzia askorekin (batzuk gaixo, Ainhizeren lesioa, gutxienez Aitana O. berreskuratu genuen); baina ondo egiteko gogoekin.

   Partiduari ondo ekin genion, defentsan behingoz arriskatzeko gogoz, honek aukera handiak ematen dizkigu korrika egiteko baita jaurtiketa errazak lortzeko. Ondo legoke urratsak gutxituko bagenituzke, jokoari erritmo altuagoa emateko baina... gogoek baloia hartzerakoan korrikan hastera (botatu gabe) eramaten gaituzte momentuz, pixkanaka-pixkanaka.

    Bigarren laurdena baliteke txarrena baina interesgarriena izatea, Olabideko jokalari batek erabat gailendu gintuen, burua beti gora, teknikoki ona, eta paseak erraz eta une egokira eramaten zituena, oso ondo. Baina gauza asko ikusi eta ikasi genituen minutu hauetan ere.

   Bigarren zatian, nahiz eta puntu gutxiago eskuratu, gustatu zitzaidan. Erasoan baloia inoiz baino gehiago mugitu genituen, guztiek parte hartuz, oso positiboa dena. Baina ez dezagun ahaztu, zapatuan Sanvi iritsiko zaigu (kategoriako talderik onena izan daitekeena) eta han aukera izango dugu dena hobeto ikusteko eta analizatzeko. Ordura arte entrenamenduetan lanera jarraitzera, gogoz, ikasiz eta disfrutatuz.