Ondo jokatu arren, erabateko porrota

    Joan den astean, Ointxeren kontra jokatu genuen partida txarraren ondoren, aste honetan Euskal liga irabazteko faborito nagusia, Iraurgi, jaso behar genuen Divino Maestroko kantxan. Gure alde, lehenengo fasean irabazi genuela.

     Lehenengo unetik, Iraurgik partidaren agintea hartu zuen, lehenengo partidan erakutsi ez zuten erritmoa eta jokatzeko trebetasuna plazaratu zituelarik. Hala ere, gu partida ona egiten ari ginen erasoan, ondo mugitzen baloia eta jaurtitzeko posizio onak aurkitzen, baina saskiratzeko abilezia, normalean duguna baina txikiagoa izan zen. Bestaldetik, defentsan ez genuen gaizki egin, baina aurkarien baloi mugimendua gelditu ahal izateko agresibitate eza nabaria izan zen. Atsedenaldian, 24-38.

    Hirugarren laurdenaren hasieran bisitarien jokua gelditzea lortu genuen eta erasoan aukerak izaten jarraitzen genuen, baina ondo jokatu arren, ez genuen kanastak egitea lortzen. Honela, poliki-poliki ezberdintasuna markagailuan gero eta handiagoa egin zen, bukaeran 28 puntugatik galduz