Ligako partidu berri bati aurre egiten genion Corazonistas ikastetxean, aurrera egiteko eta “zelaitik atera” gaituzten etsaien mailara hurbiltzeko asmoarekin.

    Ondo hasi ginen, defentsarako daukagun ideiara hurbilduz, horrek baloi batzuk lapurtzera eta kontraerasoak abantaila egoeretan amaitzera eraman gintuen. Hala ere, gehiegi huts egiten jarraitzen dugu, eraso gehienetan botatzera iristen gara baina arrakasta handirik gabe. Atzean baginen, baina erasotzailetik metro batera egoten jarraitzen dugu; Corasek baloia mugitzen zuen, saskiratzerik lortu gabe baina. Horrela, atsedenaldira 2-26ko markagailuarekin iritsi ginen.

    Atsedenaldi ostean, presioa egiteko intentsitatea jaitsi genuen, eta haien eraso bakoitzean jokalariren bat beti bakarrik zebilen; beste egun batean garesti ordainduko dugun akatsa izanez. Bukatzeko 18 eta 53ko markagailua.

    Bai gustatuko litzaidakela esatea epaileari utzi behar zaiola bere eginkizuna burutzen, erratu dezake askotan asmatzen duen bezalaxe; baina ez dezagun ahaztu entrenatzaileak taldea entrenatzeko gaudela, jokalariak jolasteko, eta gurasoak euren seme-alabak zein taldekideak animatzeko. Espero dut horrelako erakustaldi gehiago ez ikustea kirol formakuntza eta hastapenaz ari garenean.

    Hurrengo partidua berezia izango da, bi aste barru derbia izango dugu Araba 04ren aurka.