Klubeko bi infantil taldeen arteko derbia izan genuen larunbatean, zeinetan nagusiek garaipena lortu zuten kategoria honetako partida arrunt batean.

    Partiduari hobe ekin zioten txikiek, saskirako bidea errazago aurkituz eta euren 1x1 eta abantaila egoerak hobe jolastuz. Pixkanaka nagusiek erreboteko nagusitasuna lortu zuten (nagusitasun fisikoari esker batez ere), eta horrek saskiratzeko aukera gehiago eman zien.

    Araba 03koek lau laurdenak irabaztea lortu zuten, hori bai, gutxigatik beti; horrek erakusten digu momentu oro egon zirela partiduari aurpegia ematen eta lehiatzen.

    Hurrengo jardunaldian Errendimendu Ligako lehen itzulia amaituko dute gure bi taldeek, aurrera jarraitzeko, hobetzeko eta burutzen ditugun akatsak gutxitzeko asmoz.