Bigarren itzuliko lehen partiduan garaipenera itzuli ginen, markagailua partiduko azken minutuan itxiz; ziur konfiantza hartzen lagunduko gaituen partidua izanik.

Partiduari bi ideia nagusiz hasi genuen: behingoz puntu asko sartzeko asmoz eta ahalik eta baloi gutxien galduz, batez ere abantaila eta kontraerasoko egoeretan. Ondo ekin genion partiduari, normalean baino errazago saskiratzeak lortuz baina oraindik agresibitate handiagoz jo behar diogu uztaira. Atsedenaldira 28 punturekin iritsi ginen, bigarren zatian kopuru hori handitu genuen Maríaren partidu ikaragarriari esker (bai puntuak sartzen, baino batez ere jokoa eraikiz eta eskainiz). Eta baloi galduei dagokienez... saiatu ginen bai, baina oraindik gehiago kontrolatu beharreko alorra dugu.

Defentsan errazegi jarraitzen gaituzte apurtzen, ez gaude izan behar dugun jarrerarekin, gogo gehiago erakutsi behar dugu. Pixkanaka uste dut lortzen goazela, baina asko hobetu beharreko gaia dugu defentsa.

Hurrengo astean Araski bisitatuko dugu, aurkari nagusi baten aurka partidu on bat behingoz egiteko gogoz.