Ligako liderraren eta niretzat talderik onena den San Viatorren aurka neurtu ginen bigarrengoz: San Viator. Lehen itzulian 10’ iraun genuen partiduan, atsedenaldirako partidutik bota baitziguten. Honetan, nahiz eta markagailuan ez dirudien, laurden guztietan aurpegia eman eta lehiatu genuen, laurden guztiak galduz bai, baina borrokatuz.

    Lehen zatian intentsitatea eta huts egiteak nagusitu ziren, non jaurtiketa libreetako 0/7ak ez zigun markagailuan gehiago hurbiltzen lagundu: 21-12. Defentsa “onak” burutu genituen, beraiek ez zuten erraz saskiratzen, baino erreboteko kontrol ezak aukera gehiago eman zien saskiratzeko.

    Atsedenaldi ostean, partidua pixkat ero bilakatu zen, kontraerasora heltzen bi taldeak, eta horrek San Viatorrek ez du parkatzen. 22-10 eta 22-15ko bi partzialei esker markagailuan urruntzen joan dira pixkanaka. Jaurtiketa libreetan bi taldeek eskuratutako ehunekoak nabarmendu behar dira, 14/23tik San Viatorrek eta guk 9/21etik.

    Dena den, uste dut denboraldiko gure partidurik onena zein osoena izan dela, pozik egon beharrekoa, baina lanean jarraitzeko beste pizgarri bat besterik ez da.

    Hurrengo astean Corazonistas izango dugu aurkari Divino Maestron.