Partidu ona baina puntu gutxiren aitzakiaz laburbilduko nuke aste honetako partidua. Ondo entrenatzen gabiltza, egunero hobe ezagutzen dugu elkar eta uste dut badakigula eta argi daukagula zer den egin nahi duguna.

    Beroketan, zoritxarreko mugimendu batean Ainhize lesionatu eta zuzenean ospitalera alde egin behar izan zuen (hemendik nire animo guztiak eta ondo sendatzera!), baliteke egunen batean hamarrak jokatzeko izatea... hau da zorte txarra gurea. Partiduari ongi ekin genion baino erritmo baxuarekin, estatikoko ia jokaldi guztiak ondo jolastuz baina saskiratzerik lortu ezean. Oreka ideala bilatu behar dugu lasaitasunaren eta bertikaltasunaren (partiduan ahaztuta) artean oraindik, baina bide onetik goaz.

    Defentsan ongi, egoki, daukagun eta sinisten dugun ideia zelaian irudikatzeko intentzioz, baina oraindik pausu txiki bat falta zaigu efikazagoak izan gaitezen. Falta tuntun batzuk kendu behar ditugu, baina momentu batzuetan bihotzak burua baino haratago eramaten gaitu, itsu goaz, eta horri ezin diot ezer ez aurpegiratu.

    Orain oporretara goaz, eta bueltan derbia izango dugu. Ia egun hauetan punteria itura jotzen dugun nik nahiago baitut egunero 70ra jokatzea... ;)