Euskal ligan denboraldi luze bat eman ondoren, pasa den asteburuan Arabako kadete txapeldunak izateko aukera geure eskuetan geneukan eta horretarako jokatu genuen.

FINAL ERDIA: KIROLAK ARABA 64 – 38 MARIANISTAS AHALEGINA

Partida ofizialik izan gabe hilabete bat pasa ondoren, partidaren hasiera funtsezkoa zen konfiantza eta erritmoa hartzeko. Jokalariek honela ulertu zuten eta oso entxufatuta atera ziren zelaira, bai erasoan, bai defentsan, baina batez ere azken honetan. Lehenengo laurdena bukatzean, 19-3.

Bigarren laurdena antzekoa izan zen eta atsedenaldirako minutu bat faltatzen zenean, 31-4 zen markagailua. Azken minutu horretan Marianistas-ek erreakzionatu zuen eta 0-7ko partziala egin zigun. Atsedenaldian: 31-11.

Aldageletatik pasa ondoren, bigarren erdia, lehenengoa baina berdinduago egon zen eta bukaeran 64-38.

FINALA: KIROLAK ARABA 58 – 35 GAROA DIGITAL ARASKI

Aurreko egunean kontzentratuta ateratzea zein garrantzitsua zen ikusi ondoren, larunbatean izan genuen intentsitate eta kontzentrazio berarekin atera ginen zelaira; markagailua beti izan genuen gure alde eta lehenengo laurdenaren bukaeran: 14-9.

Bigarren laurdena ere ARABAren aldekoa izan zen eta 8. minutuan 25-15 ikusten zen markagailuan. Une horretan irakurtzen jakin ez genuen aldaketa bat egin zuen Araskik defentsan, markagailuan igotzen lagundu zuena. Atsedenaldira: 25-24.

Aldageletan ideiak berrantolatu eta kontzeptu batzuk argitu ondoren, hirugarren laurdenean partidan erabat sartuta atera ginen kantxara eta bukatzean 45-33 markagailuan.

Azken laurdena aurrekoaren antzekoa izan zen eta bukaeran: 58-35 ikusten zen markagailuan. ARABAKO TXAPELDUNAK!!!

Taldeko guztiak zoriondu nahi dut denboraldi osoan zehar egin duten lan itzelagatik. Zorionak neskak! Txapelketa hau merezi duzue eta!